"Манчестер Юнайтед" собиқ ярим ҳимоячиси Девид Бекҳем АПЛнинг шон-шараф залидан ўрин олди.
Англиялик манкунианликлар сафида 10 йил давомида (1993-2003) ҳаракат қилган. У чемпионатнинг 265 ўйинида майдонга тушиб, 62 гол ва 80 голли узатма муаллигига айланган.
Девид олти карра Англия чемпиони бўлган ва лигада бир маротаба ойнинг энг яхши футболчиси номинациясида ғолиб чиққан.
46 ёшли англиялик шон-шараф залига киритилган саккизинчи аъзо ҳисобланади. Ундан олдин Алан Ширер, Тьерри Анри, Эрик Кантона, Рой Кин, Френк Лемпард, Деннис Бергкамп ва Стивен Жеррард каби афсоналар киритилишганди.
