"Манчестер Юнайтед" ярим ҳимоячиси Пол Погбанинг акаси Матиас Погба ярим ҳимоячи инглиз клубини тарк этишига ва фаолиятини "Барселона"да давом эттиришига умид билдирди.
"Пол Европа Лигаси финалини ўтказиши биланоқ, биз у билан гаплашамиз. Ҳеч нарсани билмайман, лекин уни Каталония клубига йўналтирган бўлар эдим, агар шундай савол бўлса. Умид қиламанки у "Барселона"га ўтади", - деди Матиас Погба "El Chiringuito" нашрига берган интервьюсида.
Маълумот учун, Пол Погба жорий мавсумда АПЛнинг 26 учрашувида майдонга тушиб, учта гол ва учта голли узатмага муаллифлик қилди.