Ҳозиргина “Динамо” (Москва) ва Ўзбекистон олимпия терма жамоаси ўртасидаги ўртоқлик учрашувига якун ясалди. Ўйин 2:0 ҳисобида "Динамо"чиларнинг ғалабаси билан тугади.
Айтиш мумкинки, ўйиннинг биринчи бўлимида вакилларимизнинг ўйини қовушмади. Ўйин темпи ҳам унчалик юқори бўлмади. Бўлим якунига яқин динамочиларнинг тажрибали футболчилари ўз имкониятларидан самарали фойдаланишди. Дастлаб Воронин пенальтини аниқ амалга оширган бўлса, украиналик футболчининг ўзи Кевин Кураньини дарвозабонимиз билан бирга-бир вазиятга чиқарди. Кураньи ҳисобни 2:0га етказди.
Иккинчи бўлимда терма жамоамиз анча жонланиб қолди. Чап қанотда Олег Зотеев фаол ҳаракат қила бошлади. Айнан унинг пасидан сўнг, москваликлар ҳимоячиси жарима майдончаси ичида ҳужумчимизга нисбатан қўполлик ишлатди. Ҳакам эса пенальти белгилади. Ойбек Қиличев кучли зарба билан дарвоза бурчагига тўпни йўллади. Фролов чиройли сейв билан зарбани бартараф этди. Шундан сўнг Абрамов шогирдлари яна бир неча марта имкониятларни голга айлантира олишмади. Дарвозабон ишончли ҳаракат қилди.
Москва "динамочилари" ҳам қарши ҳужумда вакилларимизни жазолашлари мумкин эди. Аммо уларга ҳам омад етишмади. Ўйин охирига яқин жамоаларда жисмоний чарчоқ сезилди ва ҳисоб ўзгармай қолди.
Ўзбекистон - «Динамо» (Москва) - 0:2
Голлар: Воронин 30 пенальтидан, Кураньи, 42
Ўзбекистон: Нестеров; Тўхтахўжаев, Жаҳонгир Меҳмонов, Саҳоб Жўраев, Даврон Ҳошимов, Станислав Андреев, Жавлон Иброҳимов, Фозил Мусаев, Шерзод Каримов, Александр Гейнрих, Александр Шадрин.
Иккинчи бўлимда: Санжар Қувватов, Салим Мустафоев, Ислом Тўхтахўжаев, Абдуқаххор Хожиакбаров, Акбар Исматуллаев, , Олег Зотеев, Ойбек Қиличев, Дилшод Рахматуллаев, Жасур Ҳасанов, Темурхўжа Абдуҳолиқов, Кенжа Тўраев.
"Динамо": Фролов, Фернандес, Гранат, Уилкшир, Ломич, Юсупов, Самедов, Семшов, Жуджак, Воронин, Кураньи
Огоҳлантирилди: Ислом Тўхтахўжаев 29, Александр Гейнрих 32, Александр Сапета 41, Павел Нехайчик 58, Леандро Фернандес 78
Четлатилди: Темурхўжа Абдуҳолиқов 78
Амалга оширилмаган пенальти: Қиличев, 55
