"Барселона" бош мураббийи Рональд Куман сўнгги пайтларда клубдан ҳурмат ва ишончни ҳис қиляптими деган саволга жавоб берди.

"Мавсумнинг якуний қисмида мен клубнинг ишончини сезмадим. Биз келажагим борасида гаплашмадик ва натижада шубҳа борлигини тушунаман. Ғалаба қозониш учун ўзгаришлар кераклигини тушунаман.

Агар раҳбарият "Барса"га бошқа мураббий ёки бошқа футболчилар керак деб ҳисобласа, бу яхши, аммо бу ҳақида гаплашиш керак.

Мураббий ва футболчиларга кўпроқ ҳурмат кўрсатиш керак деб ўйлайман. Сўнгги пайтларда оммавий ахборот воситаларида тарқатилган хабарлардан футболчилар хафа бўлишганини тушундим. Улар бундай муомалага лойиқ эмаслар. Кўп нарсаларни ўзгартириш қилиш керак ", - деди Куман.