Европанинг икки топ-клуби «Вильярреал» марказий ҳимоячиси Пау Торрес учун давогарлик қилмоқда.
«Реал» 24 ёшли ўйинчининг эҳтимолий трансфери юзасида «Вильярреал» раҳбарияти билан суҳбатлашган. "Манчестер Юнайтед" вакиллари эса испанияликнинг агенти билан учрашишган.
Торреснинг шартномасида унинг товон пули 65 млн еврога баҳоланган, аммо уни 50 млн евро атрофидаги суммага қўйиб юборишади.
Ҳимоячи жорий мавсум Ла Лигада 33 ўйин ўтказди ва иккитадан гол ҳамда ассистни ўз ҳисобига ёзиб қўйди.
Шунингдек, у «Вильярреал»га Европа Лигаси финалида ва Испания терма жамоасига Евро-2020 мусобақасида ёрдам бериши мумкин.
