«Атлетико» ҳужумчиси Луис Суарес «Барселона»нинг собиқ президенти Хосеп Мария Бартомеуни танқид қилди.
«"Барселона"да менга ким ёмон муносабатда бўлди? Биринчидан, менга шахсан қўнғироқ қилиб, менга керак эмаслигимни билдириш ўрнига, ҳамма нарсани матбуотга айтиб берган президент.
Нега менга тўғрисини айтмайсиз? Футболчи бу клуб учун фойдали эмаслигини тушуниши керак», - дейди уругвайлик футболчи.
Суарес «Барселона» таркибида 2014 йилдан бери ўйнаб келмоқда эди. Ўтган мавсумда у «Атлетикo» билан клуб миқёсидаги барча турнирларда 36 учрашув ўтказди, 21 гол урди ва 10 голга узатма амалга оширди.
Каталония клуби билан у Чемпионлар Лигаси Кубоги ва тўртта Испания чемпиони унвонларини ўз ичига олган 13 та совринни қўлга киритди. 2020 йил 25 сентябрда эса «Атлетико» Суареснинг трансферини расман эълон қилди.
