Якшанба куни ҳужумчи Серхио Агуэро АПЛ доирасидаги «Манчестер Сити» таркибидаги сўнгги ўйинини ўтказди.
Ёзда аргентиналик футболчи эркин агент сифатида клубни тарк этади. Агуэро «Барcелона» футболчисига айланиши кутилмоқда ва буни Хосеп Гвардиола ҳам тасдиқлади.
«Балки мен бу сирни ошкор қиларман. Балки Агуэро юрагимдаги клуби - «Барcелона» билан шартнома имзолашга яқин тургандир.
У барча вақтларнинг энг яхши футболчиси - Лионель Месси билан бирга ўйнайди. Мен уни яхши кўришига аминман. Ва, эҳтимол, Агуэро билан «Барcэлона» тобора кучайиб бораверади», - деди испаниялик мутахассис.
