"Реал" ҳужумчиси Карим Бензема жамоанинг ушбу мавсум бирорта ҳам соврин қўлга кирита олмагани ҳақида фикр билдирди.
"Бу фактга қаранг: бизда 60та жароҳат қайд этилди! "Реал" ҳеч қачон асосий таркиб футболчилари билан ўйнамади. Кўпчилик коронавирусга чалинди, ҳаттоки Зидан ҳам.
Бу қийин мавсум эди. Аммо шунга қарамай, биз Чемпионлар Лигаси ярим финалигача етиб бордик ва Ла Лигада охиригача курашдик. Иккала турнирда ҳам ғалаба қозонишимиз мумкин эди, аммо қўлдан чиқардик. Бу футбол", - деди Бензема Sky Sports France нашрига берган интервюсида.
Француз футболчиси ушбу мавсум Ла Лиганинг 34 ўйинида майдонга тушиб 23та гол урди ва 9та голли пас берди.
