Испаниянинг AS нашри мухлислар ўртасида Испания терма жамоасининг яқинлашиб келаётган Европа чемпионати учун танланган таркиб масаласи бўйича сўровнома ўтказди. Респондентларнинг 72 фоизи терма жамоа бош мураббийи Луис Энрикенинг танловидан рози эмас.
Испаниялик мухлислар терма жамоа мураббийлар штабининг "Реал" футболчиларидан воз кечиш тўғрисида ноаниқ қарорларига эътироз билдиришмоқда. Тарихда биринчи марта пойтахт клубининг бирорта ҳам футболчиси йирик халқаро турнирга бормайди.
Маълумот учун, 11-июндан 11-июлга қадар 11 та шаҳарда футбол бўйича Европа чемпионати бўлиб ўтади. Испания терма жамоасининг Евро-2020 гуруҳ босқичидаги рақиблари Словакия, Швеция ва Польша бўлади.
