Бугун ярим тунда ўзбекистонлик профессионал боксчи, WBA таснифи бўйича собиқ жаҳон чемпиони Руслан Чагаев Германиянинг Эрфурт шаҳрида тринидад ва тобаголик боксчи Кертсон Мэнсуэлл (22-4, 17 нокаут)га қарши жангга чиқди ва ғалаба қозонди.

Universum Box-Promoition промоутерлик компанияси уюштираётган мусобақада бокс ишқибозлари 8 раунддан иборат жангни томоша қилдилар.
Ҳакамлар қарорига кўра, жангда ҳамюртимизнинг қўли баланд келди. Сўнгги раундда Мэнсуэлл нокдаунга ҳам тушиб қолди.

Жангдан аввал Чагаевнинг секунданти Артур Григорян натижаларга кўра Руслан ва Кертсоннинг имкониятлари бир хил эканини таъикдлаб шундай деган:

- Руслан олдинги мағлубияти ва йўл қўйилган хатоларидан хулоса чиқариб, бугунги худди жаҳон чемпионатига тайёрлангандек машқлар ўтказди.