УЕФА Суперлигадан чиқмаган «Реал», «Ювентус» ва «Барселона»га қарши қаттиқ санкцияларни қўлламоқчи.

Бугун Европа футбол ассоциациялари иттифоқи ушбу уч клубга нисбатан УЕФА қонуний базасини бузганлиги учун интизомий иш қўзғатгани маълум бўлди.

COPE нашрининг хабар беришича, УЕФА «Реал», «Барса» ва «Ювентус»ни Чемпионлар Лигасидан четлаштирмоқчи ва уларга катта миқдорда жарима солмоқчи.

Бундай ҳолатда клублар Спорт арбитраж судига (CAS) мурожаат қилишлари мумкин. Агар уларни Чемпионлар Лигасидан чиқариб юбориш қўллаб-қувватланса, учта ваканцияни Лига ва А Серия кучли тўртликдан пастда якунлаган клублар тўлдиради.

Испанияда бу «Реал Сосьедад» (5-ўрин) ва «Бетис» (6-ўрин)га, Италияда эса «Наполи» (5-ўрин)га тўғри келади.