«Атлетико Мадрид»нинг уругвайлик ҳужумчиси Луис Суарес унинг дўсти - аргентиналик ҳужумчи Лионель Месси Каталония клубида қолиши кераклиги ҳақида фикр билдирди.

«Мессининг дўсти сифатида, агар у «Барселона»да қолса хурсанд бўлар эдим. Мен унга айнан шундай маслаҳат берган бўлардим. Аммо, у ҳали менга ўз келажаги ҳақида ҳеч нарса айтмади», - дейди уругвайлик футболчи.

Эслатиб ўтамиз, 33 ёшли Мессининг «Барселона» билан шартномаси июнь ойининг охирида тугайди ва у эркин агентга айланади. Ҳужумчига ПСЖ ва «Манчестер Сити» қизиқиш билдирмоқда.

Маълумот учун, якунланган мавсумда Месси «Барctлона» таркибида барча турнирларда 47 учрашув ўтказиб, 38 гол урди ва 14 ассист амалга оширди.