«Манчестер Юнайтед» яримҳимоячиси Бруну Фернандеш Европа Лигаси финали доирасида «Вильярреал»га қарши баҳс олдидан ўз фикрларини билдириб ўтди. 

«Жамоа жиддий равишда яхшиланди. Ўтган йилгидан кучайдик. Албатта, финалга чиқиш зўр, аммо барчаси мукаммал бўлиши учун бизга ғалаба керак. Нима қилишни биламиз, лекин мураббий айтганидек, имкониятлар тенг.

Бизни сэр Алекс Фергюсон қўл остида узоқ вақт ўйнаган мураббий бошқаради. Жамоа ўзига ишонмоқда. Навбат — финалдан завқ олишга. Бундай имконият ҳаммага ҳам насиб этавермайди.

Мухлисларсиз футбол – бу бошқа спорт тури. Уларнинг финалга қайтишлари далда беради. Умид қиламанки, ўйин уларга ёқади», – дея Фернандешнинг сўзларини келтиради УЕФА расмий сайти.