Ҳужумчи Лионель Месси «Барселона»да қолади.
El Confidencial хабарига кўра, аргентиналик футболчи «Барса» президенти Хуан Лапорта билан 2023 йилгача шартнома имзолашга келишиб олган.
Сўнгги бир неча кун ичида Лапорта ҳамда ҳужумчининг отаси ва агенти Хорхе Месс футболчининг янги шартномаси бўйича музокаралар олиб боришди ва келишувга эришишди. Иккала томон ҳам тез орада янги битим тузишни хоҳламоқда.
Хабар қилинишича, Месси янги шартнома бўйича «Барса»да қанча пул ишлаб топиши ҳали маълум эмас. Унинг иш ҳақи миқдори текширув натижаларига боғлиқ бўлади. Бироқ, аргентиналик футболчининг иш ҳақи пасайиши аллақачон аниқ.
Маълумот учун, ўтган мавсумда 33 ёшли ҳужумчи Ла Лиганинг 35 учрашувида 30 та гол уриб, мусобақанинг энг яхши тўпурарига айланди.
