«Ливерпуль» ҳимоячиси Эндрю Робертсон амалдаги жамоасида фаолиятини якунлаш истагини билдирди.

«Менинг мақсадим «Ливерпул»даги фаолиятимни якунлаш ва мен буни шу ерда қилишни хоҳлайман. Аммо узоқ вақт давомида юқори савияда ўйнашни давом эттириш қанчалик қийинлигини биламан. Вақт келади - ва мен қарор қабул қиламан.

Ҳали ҳам клуб билан узоқ муддатли шартномам бор, мен бу ерда абадий қолишни истардим. 30 йилдан кейин кўп нарса ўзгариши мумкин, аммо мен айнан ҳозир ўйнаган жойимда фаолиятимни тугатмоқчиман», - дейди Робертсон.

Ўтган мавсумда 27 ёшли ҳимоячи 1 та гол ва 7 та голли узатма билан барча турнирларда 50 та ўйин ўтказди.