"Бавария"ни эркин агент сифатида тарк этган ҳимоячи Жером Боатенг фаолиятини "Рома"да давом эттириши мумкин. Бу ҳақда La Gazzetta dello Sport нашри хабар тарқатмоқда. Манбанинг хабарига кўра, римликларнинг янги бош мураббийи Жозе Моуриньо 32 ёшли ҳимоячининг хизматларига қизиқиш билдирмоқда.
Ўйинни ҳимоя асосида қуриш учун португалиялик мутахассисга тажрибали футболчилар керак. 2020/21-йилги мавсум Боатенг "Бавария" таркибида барча мусобақаларда 39 та учрашув ўтказиб, иккита гол ва битта голли узатмага муаллифлик қилди. Апрел ойида "Барселона" ва "Тоттенҳам" ҳам немис ҳимоячисига қизиқиш билдиришган эди.