Рахим Стерлинг «Челси»га қарши ўйин «Сити» учун жиддий синов бўлишини тан олди. Бироқ, инглиз келажакдаги жангда муваффақиятга шубҳа билдирмади.
«Ростини айтсам, финалда бизни тўхтата оладиган ягона нарса бу ўзимиз. «Челси»га қарши ўйин - бу қийин синов, аммо шу билан бирга биз ғалаба қозонишимизни кутмоқдаман.
Ўйлашимча, жамоа ўзини хотиржам ҳис қилмоқда. Биз аллақачон кўп маротаба турнирларнинг финалида бўлганмиз, бу тажриба бизга ёрдам беради», - дея Стерлингнинг сўзларини келтиради Гоал.
«Манчестер Сити» ва «Челси» ўртасидаги Чемпионлар Лигаси финал учрашуви 29 май, шанба куни Портуда бўлиб ўтади.
Рахим Стерлинг 2020/2021 йилги мавсумда барча мусобақаларда «Манчестер Сити» таркибида 48 учрашув ўтказган ва 12 голли узатма ва 14 гол муаллифи бўлди.
