Италиялик мутахассис Антонио Конте Мадриднинг «Реал» клуби бошқарувини қўлга олиши мумкин. Инсайдер Никола Скиранинг маълум қилишича, томонлар ўртасидаги музокара жараёни давом этмоқда.

Конте ҳамда «галлактикос» президенти Флорентино Перес 36 соат олдин икки йиллик шартнома борасидаги муҳокамага киришишган. «Реал» – Контенинг биринчи танлови. Қайд этилишича, кеча у билан яна иккита клуб боғланган.

Эслатиб ўтамиз, «А» Серияси якунлари бўйича «Интер»ни мусобақа чемпиони қилган Конте якунда жамоани тарк этди. Маълум бўлишича, «нерадзурри» раҳбарияти ҳамда Антонионинг келажак режалари бир-бирига тўғри келмаган. Шунинг учун у клубни тарк этишга қарор қилди.

Маълумот учун, италиялик мутахассис фаолияти давомида «Ювентус», «Челси» ҳамда ўз мамлакатининг миллий жамоасида иш юритган.