«Челси» бош мураббийи Томас Тухелнинг Чемпионлар Лигаси финалида тўқнаш келадиган "Манчестер Сити"га қарши ўйиндан олдин ўз кутилмаларини билдириб ўтди.

"Ҳеч қачон ушбу ўйин Пеп менга қарши тўқнаш келади деган позицияда бўлмаганман. Эртага биз теннис ўйнамаймиз. Пеп ўз жамоасини имкон қадар яхшироқ тайёрлайди, мен эса ўз жамоамни.

"Манчестер Сити"га қарши турли мусобақалардаги икки ўйиндан тажриба олдик. Икки турли ўйин икки бошқа таркиб билан. Баъзи жабҳаларда қанчалик жасурлик ва қўрқмаган ҳолда ўйнашимиз кераклигини тушуниб турибмиз.

Пеп бошқарувидаги «Барселона», «Бавария» ёки "Манчестер Сити"га қарши ўйнаш доим қийин бўлиб келган. У жуда катта ишончни уйғота олади, муваффақиятга эришади ва унда ғолиблик характери мавжуд.

Балки айни пайтда унинг жамоаси Европада ва жаҳонда энг кучлиси бўлиб турибди. Улар бизни чемпионатда ортда қолдиришди, аммо «Уэмбли»да ўтган Англия Кубоги ярим финалида фарқни ёпдик ва буни Манчестер шаҳрида ҳам уддаладик", — деди Тухель.

Эслатиб ўтамиз, Тухелнинг «Челси»си Гвардиоланинг "Манчестер Сити" клубини икки марта ютган. Биринчи Англия Кубогида (1:0), иккинчи эса АПЛда — 2:1.