Зинедин Зидан "Реал" футболчилари ва ходимларига клуб бош мураббийлигидан кетиши тўғрисида қандай хабар бергани маълум бўлди.
As нашрининг ёзишича, мутахассис ўз қарори ҳақида биринчи бўлиб футболчиларни огоҳлантирган. Чоршанба куни кечқурун Зидан "Реал Мадрид" футболчиларига қўнғироқ қилган, чунки у клуб раҳбариятига кетишини эълон қилишдан олдин футболчилар вазиятни билиб олишларини хоҳлади.
Кейин француз "Реал Мадрид" раҳбариятига хабар берди. Зидан ва клуб президенти Флорентино Перес ўртасидаги учрашув пайшанба куни эрталаб бўлиб ўтди. Шу куни "қироллик клуби" Зидан жамоадан кетишини эълон қилди.
