Серхио Рамоснинг «Реал» билан амалдаги шартномаси тугашига бир ой қолди.
Испания оммавий ахборот воситаларида хабар қилинишича, тажрибали ҳимоячи эркин агент мақомида бўлиш хавфини туғдиради, чунки томонлар янги меҳнат шартномаси тўғрисида келиша олишмаган.
Серхио Рамос фаолиятини Англия Премьер-лигасида давом эттириши мумкин. ESPN хабарига кўра, «Манчестер Сити» испаниялик футболчига икки йиллик меҳнат шартномасини таклиф қилмоқчи.
Эслатиб ўтамиз, Серхио Рамос «Севилья»даги фаолиятидан сўнг, 2005 йилдан бери «Реал»да ўйнаб келмоқда.
Маълумот учун, якунланган мавсумда Рамос 21 учрашув ўтказди ва 4 гол урди.
