«Реал»дан кетиши мумкин бўлган ҳимоячи Рафаэль Варан фаолиятини Англия Премьер-лигасида давом эттириши мумкин. ABC хабарига кўра, «Манчестер Юнайтед» 28 ёшли футболчини сотиб олмоқчи.
Манбанинг хабар беришича, «қизил иблислар» раҳбарияти футболчига фойдали шартнома таклиф қилишга тайёр. Манкунианликлар Рафаэлнинг маошини икки баравар оширмоқчи. Мадридда ҳимоячи йилига 6 миллион евро ишлаб топади.
Эслатиб ўтамиз, аввалроқ «Қироллик клуби» таркибига австриялик Давид Алаба қўшилган эди.
Маълумот учун, Варан «Реал»да 2011 йилнинг ёзидан бери ўйнаб келмоқда. Испания чемпионатининг якунига етган мавсумида Рафаэль 31 ўйин ўтказган.
