Европанинг кўплаб топ-клублари Дортмунднинг «Боруссия» клуби футболчиси Эрлинг Холандга қизиқиш билдирмоқда.
Яқинда норвегиялик ҳужумчи «асаларилар» билан амалдаги шартномасини ҳурмат қилишини айтди. Шу билан бирга, Холанд энди унинг келажаги ҳақидаги савол ҳали ҳам очиқлигини аниқ айтди.
«Менинг келажагим? Мен ҳали бу борада аниқ позицияга эга эмасман»,-деди Норвегия терма жамоаси ҳужумчиси.
Қайд этиш жоиз, Эрлинг Холанд 21 ёшини июль ойида нишонлайди. Якунланган мавсумда норвегиялик футболчи «Боруссия» таркибида 41 ўйин ўтказиб, 41 гол уришга муваффақ бўлди.
