Ҳимоячи Хуниор Фирпо "Барcелона"дан кетиши мумкин. Бу ҳақда Diario Sport нашри хабар тарқатмоқда.
Юқоридаги манбанинг хабарига кўра, 24 ёшли футболчига АПЛнинг бир қатор клублари қизиқиш билдирмоқда. Аниқроғи, "Вест Хем" ва "Саутгемптон" клублари бир неча кундан бери каталонияликлар билан бу борада музокара ўтказишга уринмоқда.
"Барса" Фирпони бонуслардан ташқари 16 миллион еврога сотмоқчи. Потенциал харидорлар бу пулни тўлашга рози. Шу боис якуний қарорни ҳимоячининг ўзи қабул қилади.
Фирпо “Барселона” сафига 2019 йилда “Бетис”дан кўчиб ўтган. У ўтган давр мобайнида каталонияликлар таркибида 22 та ўйинда майдонга тушди ва 2 та гол урди.
