«Реал» сафида яқин ўтмишда ўйнаган, айни вақтда «Анжи» сафида тўп сураётган Роберто Карлос «қироллик клуби» мураббийи ва «Барселона» бош мураббийи Хосеп Гвардиолани таққослади. Бразилиялик футболчининг фикрича, португалиялик мутахассис айни вақтда испан ҳамкасбидан устунроқ.

«Моуриньо – ҳамон жаҳонда биринчи рақамли. Биринчи бўлишига сабаб ўз характери, жамоасининг ўйин стили, шунингдек, у мураббийлик қилаётган ҳар бир клуб ғалаба қозонаётганидир. Кўрамиз, Гаврдиола «Челси» ёки «Интер»га ўтса ғалаба қозона олармикин.

Мана шулардан кейин ким кучлироқ эканини баралла айтсак бўлади. Пеп – замонавий мураббий, ақлли, жасур, у футболни севади ва ҳар доим футболчилар томонда бўлади. Гвардиола ўйинни яхши тушунади, лекин Моуриньо қаердаки ишламасин, муваффақият қозонган, бу эса унинг устунроқ эканлигидан далолат. Айни вақтда Испанияда сайёрамизнинг энг яхши икки мураббийи меҳнат қилмоқда», - дея Роберто Карлос сўхларидан қитибос келтиради «Marca».