«Реал» бош мураббийи Карло Анчелотти Гарет Бэйл ҳақида гапирди.
Хабарингиз бор, бу ёзда Бэйл Лондоннинг «Тоттенхем» клубида ижарага олинганидан кейин «Реал»га қайтади.
«Гарет Премьер-лигада кўп ўйнамади, лекин у ўз голларини керакли паллаларда урди. У юқори самарадорликни намойиш этди.
Гарет Мадридга қайтиб келади, мен бу футболчини жуда яхши биламан. У ажойиб мавсумни ўтказиши мумкин, шубҳасиз. Асосийси, мотивация бўлиши керак.
Бэйл «Реал»ни Марсело ва Иско сингари кескин ўзгартиришга қодир. Мен уларнинг барчасига илиқ ҳиссиётлар билан қарайман», - дейди италиялик мутахассис.
