Айни пайтда «Валенсия»да ўйнаётган португалиялик вингер Гонсалу Гуэдеш Испаниядан Италия А Сериясига йўл олиши мумкин. Бу ҳақда Football Italia хабар бермоқда.
«Фиорентина» 24 ёшли футболчига қизиқиш билдирмоқда. Гуэдеш учун курашда Флоренсия клуби «Вильярреал» ва «Севилья» билан тўқнаш келади.
Испания чемпионатининг якунига етган мавсумида Гонсалу 31 учрашув ўтказиб, беш гол урди ва беш ассист амалга ошириди.
Португаликнинг «кўршапалаклар» билан шартномаси 2023 йилгача мўлжалланган. Футболчининг трансфер қиймати 25 миллион еврога баҳоланмоқда.
