Туриннинг «Ювентус» клуби ҳужумчиси Алваро Мората жамоадоши Криштиану Роналду ҳақида таассуротлари билан ўртоқлашди.
«Бу ҳар қандай дақиқада гол ура оладиган ажойиб ўйинчи. Унинг голлари бизни совринларга яқинлаштирмоқда. У шахсий кўрсаткичи учун эмас, ғалаба учун ҳамма нарсани қилишга тайёр. Шахсий ютуқлар эса ўз ўзидан келаверади.
Криштиануда Рафа Надал каби пўлат асаблар бор. Улар бир бирига ўхшаш. Бунинг учун Роналдуга қойил қолиш мумкин, ва мен у билан ўйнашни жуда яхши кўраман», - дейди Мората.
Ўтган мавсумда 36 ёшли Роналду 44 ўйинда 36 гол урди ва 4 та голли пас берди. Унинг «Ювентус» билан шартномаси 2022 йил июнигача мўлжалланган.
