"Челси" клуби ўзининг расмий сайти орқали дарвозабон Вилли Кабальеро жамоани тарк этганини эълон қилди.
39 ёшли футболчининг клуб билан шартномаси июнь ойи сўнгида якунига етади. "Челси" у билан келишувни узайтирмасликка қарор қилди.
Эслатиб ўтамиз, аргентиналик ўйинчи 2017 йилдан буён "Челси" шарафини ҳимоя қилиб келади. Тўрт мавсум давомида у 38та ўйинда майдонга тушиб, 42та гол ўтказди.