"Реал" ҳимоячиси Давид Алабанинг отаси Жорж Алаба ўғлининг "Бавария" дан кетиши ҳақида гапирди.

«Тафсилотларга тўхталмоқчи эмасман, аммо «Бавария» раҳбарлари аслида нима бўлганини билишади. Вақт ўтиши билан позициялар кучайиб борди, деб айтишим мумкин, биз пулни муҳокама қилишни ҳам бошламадик. Шу сабабли, нима учун улар пул ҳақида гаплашишни тўхтатишмаганини тушунмаяпман.

Мюнхеннинг "Бавария"си билан музокаралар пандемия бошлангунга қадар бошланган. Мен кўнглим қолди, чунки бу мавзу бизнинг ҳолатимизда баҳона сифатида ишлатилган. Гап бошқа футболчилар билан музокаралар ҳақида кетганда, талаблар хотиржамлик билан қабул қилинди.

Давиднинг агенти "очкўз пиранҳа" деб номланишга лойиқ эмас. Мен буни бутунлай рад этаман. ОАВ биз 20 миллион евро сўраганимизни ёзган, кейин эса 19,5 миллион. Бу нима? Ва буларнинг барчаси шунчаки матбуотга чиқиш ва Захавийни энг популистик тарзда "очкўз пиранҳа" деб аташ учун.

Бу сўзлар менга тегди. Мен, айниқса, ҳеч кимни танқид қилмоқчи эмасман, лекин бу менга таъсир қилди, - деди катта Алаба.