Бельгия терма жамоаси бош мураббийи Роберто Мартинес Хорватия терма жамоаси билан ўртоқлик учрашувида 10 дақиқа ўйнаган ҳужумчи Эден Азарнинг ҳолати ҳақида гапирди.
"Эденнинг мақсади - майдонга кириш. Хорватия билан ўйинда майдонга тушиш тикланишнинг психологик қисмидир. Энди у кўпроқ дақиқа ўйнай олади. Қачон 100% тайёр бўлишини айтиш қийин, бу кўпгина омилларга боғлиқ деб ўйлайман. Муҳими, у ҳозир тиббий жиҳатдан соғлом", - дейди мураббий.
Эслатиб ўтамиз, Азар Греция терма жамоасига қарши биринчи ўртоқлик учрашувини жароҳати туфайли ўтказиб юборган эди. Эден Евро-2020да Россия терма жамоаси билан ўйинда майдонга тушиши кутилмоқда.
