Belgiya terma jamoasi bosh murabbiyi Roberto Martines Xorvatiya terma jamoasi bilan o‘rtoqlik uchrashuvida 10 daqiqa o‘ynagan hujumchi Eden Azarning holati haqida gapirdi.
"Edenning maqsadi - maydonga kirish. Xorvatiya bilan o‘yinda maydonga tushish tiklanishning psixologik qismidir. Endi u ko‘proq daqiqa o‘ynay oladi. Qachon 100% tayyor bo‘lishini aytish qiyin, bu ko‘pgina omillarga bog‘liq deb o‘ylayman. Muhimi, u hozir tibbiy jihatdan sog‘lom", - deydi murabbiy.
Eslatib o‘tamiz, Azar Gresiya terma jamoasiga qarshi birinchi o‘rtoqlik uchrashuvini jarohati tufayli o‘tkazib yuborgan edi. Eden Yevro-2020da Rossiya terma jamoasi bilan o‘yinda maydonga tushishi kutilmoqda.
