Португалия терма жамоаси Европа чемпионати арафасида Лиссабонда Исроилга қарши ўртоқлик учрашувини ўтказиб, йирик ҳисобда ғалаба қозонди.

Биринчи бўлим тугашига 3 дақиқа қолганида Бруну Фернандеш ҳисобни очган бўлса, орадан 2 дақиқа ўтиб Криштиану Роналду ҳисобдаги фарқни оширди. Мазкур гол "Ювентус" форварди учун терма жамоа сафидаги 104-гол бўлди (жаҳон рекордигача 5та гол қолди).

Португалияликлар баҳснинг сўнгги дақиқаларида рақиб дарвозасига яна 2 марта йўл топишди. Дастлаб Жоау Канселу рақиб дарвозасини ишғол қилган бўлса, қўшиб берилган дақиқаларда Фернандеш дублни расмийлаштирди.

Ўртоқлик учрашуви
Португалия – Исроил 4:0 (2:0, 2:0)
Голлар: 1:0 – 42 Бруну Фернандеш, 2:0 – 44 Роналду, 3:0 – 86 Жоау Канселу, 4:0 – 90 Бруну Фернандеш.
Португалия – Руй Силва, Пепе, Рубен Диаш (Данилу Перейра, 62), Жоау Канселу, Мендеш, Рубен Невеш (Моутинью, 62), Бруну Фернандеш, Бернарду Силва (Педру Гонсалвеш, 72), Вильям Карвалью (Саншеш, 72), Диогу Жота (Андре Силва, 46), Роналду (Гедеш, 72).
Исроил – Марциано, Даса (Маледе, 87), Арад, Дгани (Балтакса, 72), Тиби, Натхо (Халайла, 62), Менахем (Абу-Ханна, 46), Кинда (Абу-Фани, 62), Лави (Zargary, 87), Соломон, Захави.
Огоҳлантириш: Дгани (53).