Marca нашрининг таъкидлашича, «Реал» ҳимоячиси Марсело клуб раҳбариятидан ўзининг эҳтимолий сотилиши ҳақидаги маълумотга ойдинлик киритишларини сўраган.
Бироқ "қироллик клуби" мутасаддилари 33 ёшли ҳимоячига ташвишланадиган ҳеч нарса йўқлигини айтишган. У келаси мавсум ҳам жамоада қолади.
Эслатиб ўтамиз, Марсело ва «Реал» ўртасидаги амалдаги шартнома 2022 йилнинг ёзига қадар мўлжалланган. Футболчининг ўзи буни узайтиришга қарши эмас.
Маълумот учун, Марсело 2007 йилдан бери «Реал» шарафини ҳимоя қилиб келади.
