Италия ярим ҳимоячиси Леонардо Спинаццола Евро-2020 мусобақаси 1-турида Туркия устидан қозонилган ғалабадан кейинги ҳиссиётлари ҳақида гапирди.

- Автобусда стадион томонга йўлга чиқан пайт, кўчалардаги мухлисларни кўрганда ҳиссиётлар бошланди. Бу ҳақиқатан ҳам бизга ишонч берди. Ажойиб учрашув бўлди. Сабр қилдик, тўпни яхши назорат қилдик. Кейин ўғлимни трибунада кўрдим, бу жуда ҳаяжонли эди, - деди Спинаццола.

Туркларга қарши ўйинда Спинаццола голли узатмани амалга оширди ва УЕФА томонидан "Учрашувнинг энг яхши футболчиси" соврининига эга чиқди.

- Мен жуда хотиржам йигитман, ўйинлар олдидан яхши ухлайман. Бунинг сабаби шундаки, мен нима қилишим кераклигини ва нимага қодир эканимни биламан, шунинг учун ўзимни ҳис қиламан. Мураббий ҳар доим олдинга боришимни айтади, лекин баъзида бироз танаффус қилишни сўрайман, бу одамни жуда чарчатади! Бизнинг жамоамиз ажойиб: энг яхши яримҳимоячилар, ҳужумчилар ва ҳимоячилар. Ҳамма ўз ишини қилади, - дея қўшимча қилди футболчи.

Эслатиб ўтамиз, Италия жамоаси Европа чемпионатидаги навбатдаги ўйинни 16 июнь куни Швейцария терма жамоасига қарши ўтказади.