Португалиялик дарвозабон Руи Патрисиу ёзги трансфер ойнасида "Рома"га ўтади. Бу ҳақда журналист Николо Скира ўзининг твиттер саҳифасида хабар берди. Манбанинг хабарига кўра, римликлар дарвозабон учун "Вулверхэмтон"га 7 миллион евро таклиф қилишган. Инглиз клуби эса 10 миллион евро талаб қилмоқда, аммо "Рома" бонуслар билан шартномани якунлашни мақсад қилган.

Хабар қилинишича, 33 ёшли дарвозабон учун уч йиллик шартнома аллақачон тайёр. Патрисиу "Вулверхэмтон"да 2018-йилдан бери ўйнаб келмоқда. У Лиссабоннинг Спортинг клубидан "бўрилар" сафига кўчиб ўтган. Патрисиунинг инглиз клуби билан шартномаси 2022-йил ёзигача амал қилади, Трансфермаркт портали футболчини 10 миллион еврога баҳоламоқда.