Испания терма жамоаси бош мураббийи Луис Энрике Евро-2020 гуруҳ босқичининг 1-турида Швецияга қарши ўйин олдидан ўз фикрлари билан ўртоқлашди.
Биз мусобақанинг фаворити эмасмиз. Асосий фаворитлар амалдаги чемпионлардир. Яна олти-етти жамоа ўзларини ушбу кубок учун даъвогар деб ҳисоблашлари мумкин. Агар одамлар бизни ушбу гуруҳга қўшишса, хурсандман. Мен бу масъулият юкини қабул қиламан. Португалларга қарши ўйинимиз менга янада туртки беради.
Машғулотлардаги шиддатни кўриб, биз мусобақага тайёрмиз деб ўйлайман. Йигитлар қандай фидойилик билан шуғулланаётганини кўряпман. Мураббий сифатида уларни мақташим ва "Болалар, ишни давом эттиринг!", деб айтишишим керак", дейди испаниялик мутахассис
