Англия терма жамоаси бош мураббийи Гарет Саутгейт Евро-2020да Хорватияга қарши ўйиндан(1:0) кейин, фикрлари билан ўртолашди.

“Биз мухлисларимизга, ўз мамлакатимизга чинакам завқли кечани тақдим этганимиз жуда яхши.

Ушбу муҳим ўйинда футболчилар жуда яхши ишлашди. Бошиданоқ, шиддатли жазирама бўлишига қарамай, улар яхши ўйнашди ва ташаббусни ўз қўлларига олишди.

Иссиқлик туфайли тезлик пасайган вақтлар ҳам бўлди, аммо биз асосан ўйинни назорат қилдик ва хорватлар имконият яратишига имкон бермадик.

Энг муҳими, рақибнинг ярим ҳимоясига босим ўтказиш эди - биз бунга эришдик. Бу уларнинг ижодкорлигини чеклаб қўйди.

Майдонда ҳамма ажойиб ўйнади ва жамоавий ўйин бунга ҳисса қўшди", - деди Саутгейт.