Angliya terma jamoasi bosh murabbiyi Garet Sautgeyt Yevro-2020da Xorvatiyaga qarshi o‘yindan(1:0) keyin, fikrlari bilan o‘rtolashdi.

“Biz muxlislarimizga, o‘z mamlakatimizga chinakam zavqli kechani taqdim etganimiz juda yaxshi.

Ushbu muhim o‘yinda futbolchilar juda yaxshi ishlashdi. Boshidanoq, shiddatli jazirama bo‘lishiga qaramay, ular yaxshi o‘ynashdi va tashabbusni o‘z qo‘llariga olishdi.

Issiqlik tufayli tezlik pasaygan vaqtlar ham bo‘ldi, ammo biz asosan o‘yinni nazorat qildik va xorvatlar imkoniyat yaratishiga imkon bermadik.

Eng muhimi, raqibning yarim himoyasiga bosim o‘tkazish edi - biz bunga erishdik. Bu ularning ijodkorligini cheklab qo‘ydi.

Maydonda hamma ajoyib o‘ynadi va jamoaviy o‘yin bunga hissa qo‘shdi", - dedi Sautgeyt.