«Милан»нинг даниялик ҳимоячиси Симон Кьер бундан кейин клуби сардори бўлиши мумкин.
Бунга Европа чемпионати учрашуви пайтида ўзини йўқотиб қўйган даниялик жамоадоши Кристиан Эриксен билан бўлган воқеа сабаб бўлди.
Дарҳақиқат Симон бунга ҳар томонлама ҳақли персона. У ноҳушлик пайти биринчилардан бўлиб Эриксенга ёрдам кўрсатди ва жамоадошининг оиласига қийин ва муҳим паллада тасалли берди.
Кьернинг хатти-ҳаракатлари «Милан» раҳбариятини қувонтирди, шунинг учун у асосий таркибда тартибсиз равишда пайдо бўладиган ҳимоячи Алессио Романьолидан сардорлик боғичини қабул қилиб олиши кўриб чиқилмоқда.
