"Манчестер Юнайтед" эгаси Жоэл Глейзер мухлисларни клуб трансфер бозорида фаол бўлишига ишонтирди.
"Қарзлар ва дивидендлар ҳеч қачон футболчилар билан шартнома имзолашимизга халақит бермаган. Баъзан биз келишувлардан бош тортдик, бунинг сабаби эса агентларнинг ақлга сиғмайдиган гонорарлари. Катта миқдордаги маблағни бир мартада сарфлаш қийин эмас, аммо бу ҳолат салбий оқибатларга олиб келади. Биз ўтган йилгидек трансферларга сармоя киритишда давом этамиз.", - дея Глейзер сўзларини келтиради ESPN.
