«Удинезе» яримҳимоячиси Родриго де Пауль «Атлетико»га ўтишга яқин турибди, дейди журналист Николо Скира твиттер саҳифасида.
Манбанинг хабарига кўра, футболчи Испания клуби билан йилига 3 миллион евро маошлик беш йиллик шартнома шартларини келишиб олган. «Атлетико» яримҳимоячи учун 35 миллион евро тўлаши белгиланди.
Шунингдек, Де Паулга «Ливерпуль», «Милан» ҳамда «Интер» клублари ҳам бефарқ эмас.
Ўтган мавсумда 27 ёшли футболчи «Удинезе» таркибида барча турнирларда 38 та учрашув ўтказиб, тўққизта гол урди ва 11 та голли пас берди.
