«Udineze» yarimhimoyachisi Rodrigo de Paul «Atletiko»ga o‘tishga yaqin turibdi, deydi jurnalist Nikolo Skira tvitter sahifasida.

Manbaning xabariga ko‘ra, futbolchi Ispaniya klubi bilan yiliga 3 million yevro maoshlik besh yillik shartnoma shartlarini kelishib olgan. «Atletiko» yarimhimoyachi uchun 35 million yevro to‘lashi belgilandi.

Shuningdek, De Paulga «Liverpul», «Milan» hamda «Inter» klublari ham befarq emas.

O‘tgan mavsumda 27 yoshli futbolchi «Udineze» tarkibida barcha turnirlarda 38 ta uchrashuv o‘tkazib, to‘qqizta gol urdi va 11 ta golli pas berdi.