"Манчестер Сити" ёзги трансфер ойнасида ҳужумларини кучайтирмоқчи.

Eurosport хабарига кўра, инглиз клуби «Атлетико» яримҳимоячиси Жоао Феликс ва «Реал Сосьедад» яримҳимоячиси Микел Ойарсабалга қизиқиш билдирмоқда.

"Атлетико" эса "Ман Сити" яримҳимоячиси Бернард Силвага қизиқиш билдирган, аммо Феликс ва Силва иштирокидаги алмаштириш битими деярли имконсиз.

"Тоттенхэм" ҳужумчиси Ҳарри Кейн бу ёзда "Ман Сити"нинг асосий нишони бўлиб қолмоқда. Агар келишувга эришилмаса, клуб Ромела Лукаку ("Интер") ва Эрлинг Ҳоландга ("Боруссия" Д) умид қилиши мумкин. Шунингдек, "Сити" Лаутаро Мартинесга ҳам қизиқиш билдирмоқда, аммо клуб ҳали "Интер" билан алоқага чиқмаган, фақат футболчи ҳақида маълумот тўплаган.

Ушбу ёзда Ҳоланднинг "Ман Сити"га ўтиши деярли имконсиз бўлиб туюлади. Агар 20 ёшли ҳужумчи Германияда қолса ва яна бир мавсумни у ерда ўтказса, "Ман Сити" ушбу марказ ҳужумчини сотиб олишни бир йилга қолдиради ва кейинги йилдан норвегиялик учун курашни бошлайди.

"Шаҳарликлар" устози Пеп Гвардиола ушбу ёзда клуб икки ёки учта йирик трансферларни амалга оширишини кутмоқда.