"Manchester Siti" yozgi transfer oynasida hujumlarini kuchaytirmoqchi.

Eurosport xabariga ko‘ra, ingliz klubi «Atletiko» yarimhimoyachisi Joao Feliks va «Real Sosyedad» yarimhimoyachisi Mikel Oyarsabalga qiziqish bildirmoqda.

"Atletiko" esa "Man Siti" yarimhimoyachisi Bernard Silvaga qiziqish bildirgan, ammo Feliks va Silva ishtirokidagi almashtirish bitimi deyarli imkonsiz.

"Tottenxem" hujumchisi Harri Keyn bu yozda "Man Siti"ning asosiy nishoni bo‘lib qolmoqda. Agar kelishuvga erishilmasa, klub Romela Lukaku ("Inter") va Erling Holandga ("Borussiya" D) umid qilishi mumkin. Shuningdek, "Siti" Lautaro Martinesga ham qiziqish bildirmoqda, ammo klub hali "Inter" bilan aloqaga chiqmagan, faqat futbolchi haqida ma’lumot to‘plagan.

Ushbu yozda Holandning "Man Siti"ga o‘tishi deyarli imkonsiz bo‘lib tuyuladi. Agar 20 yoshli hujumchi Germaniyada qolsa va yana bir mavsumni u yerda o‘tkazsa, "Man Siti" ushbu markaz hujumchini sotib olishni bir yilga qoldiradi va keyingi yildan norvegiyalik uchun kurashni boshlaydi.

"Shaharliklar" ustozi Pep Gvardiola ushbu yozda klub ikki yoki uchta yirik transferlarni amalga oshirishini kutmoqda.