Италия терма жамоаси Европа чемпионатининг гуруҳ босқичи ўйинида Швейцарияни мағлуб этди (3:0).
Учрашувда дубл қайд этган италиялик яримҳимоячи Мануэль Локателли матбуот анжуманига бир шиша сув билан кириб келди. Футболчи стол устида турган колани четга суриб, сувни олдига қўйди.
Олдинроқ Португалия терма жамоаси ҳужумчиси Криштиану Роналду Венгрия билан ўйин (3:0) олдидан худди шундай ҳаракатни амалга оширган эди. Бир неча кундан сўнг француз яримҳимоячиси Поль Погба алкоголсиз алкаголсиз пивони столдан олиб ташлади.
Швейцарияни мағлубиятга учратган италияликлар олти очкони қўлга киритишди ва "А" гуруҳида пешқадамлик қилишди. Роберто Манчини шогирдлари биринчи бўлиб Европа чемпионатининг плей-офф босқичига чиқишди. Сўнгги турда Италия 20 июн куни Уэльсга қарши ўйнайди.
