Германия ярим ҳимоячиси Эмре Жан Евро-2020 гуруҳ босқичида Португалияга қарши ўйин олдидан фикрлари билан ўртоқлашди.
- Бизда ажойиб ва сифатли жамоа бор. Францияга қарши энг ўйин бизнинг ёмон ўйинимиз бўлмаган, аммо, биз кўпроқ нарсаларга қодирмиз. Шанба куни ғалаба қозонишимизга ишонамиз. Ҳужумда яхшироқ ҳаракат қилишимиз керак, шунда биз гол уриш имкониятига эга бўламиз
Машғулотларда ва ўйинларда қўлимдан келганича ҳаракат қиламан. Албатта, таркибда бўлмаган пайтим кайфиятим бўлмайди, аммо нима бўлишидан қатъий назар ҳар доим жамоадалигимдан фахрланаман, - деди Жан.
Германия терма жамоаси биринчи марта Европа чемпионати бошида Францияга 0:1 ҳисобида ютқазиб қўйди.
Немислар 19 июн куни Мюнхенда Португалия билан ўйин ўтказишади.
