УЕФА Португалия ҳужумчиси Криштиану Роналдунинг Венгрияни мағлубиятга учратганидан сўнг Евро-2020 матбуот анжуманида Coco-cola идишларини четга суришига муносабат билдирди.
Қўмита жамоалар раҳбариятига мусобақа ҳомийлари олдида шартнома мажбуриятлари борлигини эслатди.
"УЕФА иштирокчи жамоаларга шериклик мусобақанинг ажралмас қисми ва бутун Европа бўйлаб футболни ривожлантириш эканлигини эслатиб қўйди", деб ёзди Реутерс.
Франция ярим ҳимоячиси Поль Погба Европа чемпионати доирасида Германияга қарши ўйинидан сўнг (1:0) ўтказилган матбуот анжуманида стол устидаги бир шиша пивони олиб ташлади.
Кейинчалик, УЕФА ижрочи директори Мартин Каллен қўмита футболчиларни жазоламаслигини маълум қилганди.
