AS хабарига кўра, ҳимоячи Леонардо Спинаццола «Рома»дан кетиши мумкин.

Мадриднинг «Реал» клуби 28 ёшли италиялик футболчига қизиқиш билдирмоқда, раҳбарият Ферлан Мендига муносиб ўринбосар топмоқчи ва шу билан Марселодан қутулиш ниятида.

Иккала клуб вакиллари аллақачон учрашишган ва ҳужумчи Борха Майорални Спинаццолага алмаштиришни муҳокама қилишган. «Реал» бош мураббийи Карло Анчелотти италиялик ҳимоячини «қаймоқранглилар» сафида кўришни истамоқда.

Ўтган мавсумда Спинаццола А Сериянинг 27 учрашувида 2 та гол ва 4 та голли пас берди.