Ўзбекистон Суперлигаси директор вазифасини бажарувчи Диёр Имомхўжаев Ўзбекистон миллий терма жамоасининг Саудия Арабистонидан учралган мағлубияти ва Ўзбекистон чемпионатининг тиғиз тақвими ҳақида фикр билдирди. 

"Ўзбекистон МТЖ саралаш учун йиғинни 21 май куни бошлади, Саудия эса 31 май куни. Якунда 10 кун кейинроқ йиғилган жамоа 3 та тўп фарқи билан ғолиб чиқди.

Саудияни европалик мураббий бошқаради ва доим ФИФА кунларини ҳамда жамоаларнинг унга бўлган муносабатларини ҳурмат қилади, Купер ҳам шундай эди. Абрамов эса якунда ўзининг қанчалар савиясиз эканини кўрсатди (аслида бунгача ҳам 2 марта кўрсатиб, Пекин ва Лондон олимпиадаларидан четда қолишимизга сабабчи эди).

Юқоридаги 10 кунлик ЎзПФЛ режаларига таъсир ўтказади. Биз мавсумни 30 ноябрдан ўтказмай тугатиш ниятида эдик. Куз ойидаги 3 та ФИФА кунларини инобатга олиб тузган тақвимимизда, кубок финали 5 декабрга тўғри келади. Албатта, олдинда бизни нималар кутаётганини вақт кўрсатади. Чунки биз Ўзбекистон термасининг куз ойидаги режалари ҳақида билмаймиз", дея ёзди Имомхўжаев ўз телеграм саҳифасида.